சாத்தான்குளம் இரட்டை கொலை வழக்கில் ஸ்ரீதர் உள்ளிட்ட 10 பேர் கைது செய்யப்பட்டனர். இந்த வழக்கு இப்போது சிபிஐ விசாரணையில் இருக்கிறது. வழக்கில் சிபிஐ முதலில் கைது செய்த ஸ்ரீதர் உள்பட 5 பேரை காவலில் எடுத்து விசாரணை நடத்தினர்.
நீதிமன்றத்தில் ஆஜர்படுத்தும்போது ஸ்ரீதர் முதுகு பின்தண்டுவடத்தில் வலி இருப்பதால் மருத்துவமனையில் அனுமதிக்க நீதிபதியிடம் கோரினார். அப்போது , சிறையில் உள்ள மருத்துவமனையில் சிகிக்சை பெறலாம் என்று நீதிபதி தரப்பில் தெரிவிக்கப்பட்டது.
இந்நிலையில், ஸ்ரீதருக்கு மீண்டும் தண்டுவடத்தில் கடுமையான வலி ஏற்பட்டதாக தெரிகிறது. ஆகையால் மதுரை ராஜாஜி மருத்துமனையில் அனுமதிக்கப்பட்டுள்ளார். மருத்துவ பரிசோதனை , மருத்துவர்களின் அறிக்கைக்கு பிறகே அவர் சிகிச்சையில் இருப்பாரா ? அல்லது சிறைக்கு அனுப்பப்படுவாரா என்பது தெரிய வரும்.
